RSS Feed

لماذا عليّ أن أقول أني من أصل فلسطيني ؟

أحب وطني “الأردن” و أفتخر بجنسيتي “الأردنية” … و لا أقبل أي اتهام أو شك في ولائي و انتمائي لهذا الوطن المبارك حتى لو كنت … من أصل فلسطيني !!

بلدي الأردن الذي فتحت عينيّ على نوره و كبرت على خيراته و نشأت على تطلعاته و تلقيت تعليمي و ثقافتي و صنعت شخصيتي و مبادئي على أرضه و أمام آفاقه .. بدأت أول أحلامي على واقعه و مضيت بها إلى أن وصلت إلى مستقبله، تطوره و تقدمه … ذكرياتي كلها في أماكنه و لحظاته .. الشخصيات التي أحبها و أقتدي بها التقيتها فيه … و فيه عشقت حتى البكاء و سهرت حتى أحصت نجومه دموعي …

لا يحق لأيّ كان أن يدّعي أن انتماءه لبلدي الأردن أصدق من انتمائي .. و لا يحق لأيّ كان أن يشكك في حرصي على بلدي الأردن و استعدادي للموت من أجله … حتى لو كنت من أصل فلسطيني ..

إذن .. لم عليّ أن أقول و أردد دائماً أني من أصل فلسطيني ؟

فلسطين هي البُقعة المقدسة على الأرض التي لم يعد لها اسم في الخرائط “الرسمية” العالمية .. و لم يعد لها ذكر في المحافل “الرسمية” الدولية .. و التي يتم استبدالها وطمس وجودها بشكل تدريجي بشع … يشمل الفلسطينيات من أزل التاريخ إلى ما بعد الآن .. لا أعلم بكم !!

المدعوّة اسرائيل تكبر و تنتشر بأضعاف مساحة فلسطين … تسرق التراث و التراب و تنسب إليها حتى المأكولات الشعبية والدبكة و الكوفية .. تهدم أقصىً من قُدسية و تخلق هيكلاً من حجارة و إسمنت …  تمحو أسماء الشوارع و المدن و السكّان الذين لجأ معظمهم إلى التراب و لجأ معظمهم إلى الخارج .. و لجأ معظمهم إلى الداخل.

عندما أبحث عن اسم وطني أجد أنه اسم “كان” موجودا قبل 63 سنة … على ذمة العالَم … أما الآن فهو لم يعد كذلك .. مما يفيد أنني أنا المولودة قبل 23 سنة أنتمي لمكان غير موجود أو .. لا أنتمي لمكان ربما !! أما العالَم ذو الذمة “غير الواسعة” فيفيد أنني أردنية – سورية – لبنانية – برازيلية أو أمريكية … من أصل “فلسطيني” !!

و بما أن الذمة الواسعة هي المعترف بها “رسميا” هذه الأيام … فأنا لا أنتمي لمكان “رسميا” و أنتمي لفلسطين “بشكل غير رسمي” … و بما أن القدر اختار لي هذا الأصل “المشبوه” فهو قد اختار لي ضمنياً واجب الدفاع عنه و الحفاظ عليه …

أجل .. أنا أرى أن من واجب كل فلسطيني لا يحمل وثيقة تثبت أصله أن “يقول” و “يردد” … عالطالعة و النازلة … أنه من أصل فلسطيني … ربما “القول” و “الترديد” لا يعيد للأمور “رسميتها” و لكنه على الأقل يَشهد أن … شعباً ليس بدون أصل.

يا أيها الناس من أصل فلسطيني … رددوا أنكم كذلك … و يا أيها الناس من كل الأصول لا تلومونا على ترديدنا .. هو لا يُنقص من ولائنا لبلادنا التي نحمل وثائقها .. و لكنه يحافظ على “اسم” … إنما هو اسم وطن.

 

Advertisements

About Yasmin Badran

Software Developer

18 responses »

  1. very nice, and so ture and i totally agree with you

    Reply
  2. اللي بيعترض عمكانك كفلسطينية على ارض الاردن , خليه يعترض عالحضارة اللي عملوها الفلسطينيين والتقدم السريع اللي حسّن وضع كتير من القبائل اللي بدهم كل شي ييجي لحدهم وهم قاعدين ما يعملوا شي, واذا حدا منا صار معه شوية مصاري بقيموا قيامته

    Reply
    • حرزالله … نحنا لما جينا على ارض الاردن كان من واجبنا نعمرها و نشارك في حضارتها لعدة اسباب .. اول شي انه الله لما أمرنا بعمارة الارض ما حدد انها تكون ارضنا في الاصل لحتى نعمرها … يعني لو المسلم كان في كندا ولا في الدنمارك من واجبه يعمر الارض .. فما بالك ببلد مسلم … تاني شي بما اننا عايشين هون من هداك الوقت لحد الان و الله اعلم لمتى كمان فنحنا مستفيدين من الشي اللي عم نعملو و نبنيه … تالت شي كمان من واجبنا تجاه الشعب اللي استضافنا و عاملنا كإخوة و اعطانا كامل حقوقنا كأردنيين اننا نقدم كل شي بنقدر عليه … يعني هاي مو منيّة منا على حدا …

      انا بفتخر بجنسيتي الاردنية بقدر ما بفتخر بأصلي الفلسطيني … بس اللي بدي أوصلو اننا لازم يكون عنا الانتماء و الولاء الصادق للاردن و بنفس الوقت اننا ما ننسا قضية وطننا اللي عم يندثر ونحنا مو حاسين

      Reply
    • حرزالله … كلامك لا يدل إلى على العنصرية، و أظن أنوا هذا هو السبب اللي بتسمع فيه حكي زي هيك. و نهائياً ما بطلعلك تحكي عن الـ”قبائل” زي ما بتحكي و ما بتعرف عنهم أصلا … و أنا أفتخر إني منهم.

      Reply
  3. I like . kalamek 100% sa7e7 🙂 .

    Reply
  4. انا بوافقك الراي جملة و تفصيلا
    بس في موضوع تاني قريب كتير على موضوعك
    اللي هو انا نحاول نخفي بس الناس يسالونا بشكل مباشر هاد السؤال
    و انا شخصيا بعاني من هالموضوع بشكل كبير
    لاني من اصل فلسطيني و اسم عيلتي يوحي بالعكس
    كتير بحاول اخفي هالموضوع و ما اذكرو بس مع الاسف مش زاطة معي و هاد شي بيستفزني بشكل عنيف
    رح اعطي امثلة واقعية صارت معي
    بيجي شرطي السير بعد ما خالفني بيسالني
    انتا شوبكي من وين؟؟
    -و انا بجاوبو من الشوبك -و طبعا انا ما كذبت
    بحكيلي الله يسامحك كان حكيت

    و مرة كنا بجدة اناو شب سوري و شب اردني الاصل كنا بنحضر مباراة الاردن و السعودية ب كوفي شوب و كلنا بنشجع الاردن بحماسة
    بيجي علينا شب اردني متحمس بيسالنا : الشباب اردنية؟؟
    جاوبنا: اه اردنية بدون تردد حتى الشب السوري حكا اه اردنية
    بيحكيلنا اردنية من وين؟؟
    طبعا احنا الثلاث انعجقنا و اتفاجأنا بالموضوع
    حكينالو من عمان

    والمثال الاخير كان قمة المفاجأة بالنسبة الي
    صار معي من يومين في مطار الرياض
    كان جنبي واحد باكستاني صار يدردش معي
    him : where r u from?
    me : jordanian
    him : originally Jordanian or Palestinian?
    طبعا انا تفاجات بس الحق مو عليه
    الحق علينا اللي وصانا هاي الصورة حتى لناس بعاد كتير عنا
    و طبعا امثلة غير هيك كثيرة

    انشالله بيجي يوم بنكون فيه مش مضطرين نحكي فيه من وين احنا

    Reply
    • والله شوبكي هاي قضية تانية كتير مهمة .. انا بعرف انه حتى بأوروبا بعرفو اننا هون بالاردن مقسومين لأردنيين من أصل أردني و أردنيين من أصل فلسطيني .. و انه للأسف المعاملة بتختلف .. مع اننا كلنا اردنيين !! و حتى اللي من اصل فلسطيني بعتبرو حالهم أردنيين حتى النخاع .. او عالاقل انا بعتبر حالي هيك و معظم اللي بعرفهم كمان متلي …

      صراحة انا كمان دايما بتعرض لنفس السؤال: بدران من وين ؟؟ لأنه في هون و هون
      بس انا باخدها بحسن نية انه حابين يعرفو انت من اي بلد !! يمكن لأني انا بفكر هيك ..
      بس انا دايما بجاوب اني من فلسطين مع انه في ناس نصحوني اقول اني من الاردن عشان تتسهل اموري !!!
      يمكن انا لسة ما اتعرضت لمواقف أحس فيها بالفرق متلك … وما بعرف بشو رح احس او كيف رح اتصرف لو اتعرضت …
      هاي الشغلة برأيي صعب نتخلص منها لأنه في ناس التعصب بدمهم … بس كمان نحنا عنا وطن عم بضيع واقل شي ممكن نعملو اننا نحافظ على اسمو …

      الموضوع كتير شائك و كبير و خطير حتى !!
      بس جد ان شالله ييجي يوم ما نضطر نحكي احنا من وين

      Reply
    • Haitham Al-Sheeshany

      إحنا البلد الوحيد اللي بتتضطر تأكد فيه جنسيتك
      😀

      أردني أردني و اللا أردني فلسطيني
      🙂

      أنا كثييييير جدا ً بسمع هالسؤال كمان “أنا بالسعودية” و لما أجاوبهم أردني – شيشاني

      بيتلخبطوا أكثر

      :]]]]

      Reply
      • هههههههه … هيثم شرير 😛

        بس على فكرة انا بحب اعرف انها صاحبتي متلا أردنية شيشانية .. بحب كل واحد يتمسك بأصلو و ما بلاقي فيها شي بنقص من ولائو للبلد الي عايش فيه و بحمل جنسيتو … و على فكرة كمان … “انا كتير بحكي على فكرة” !! بس انا قررت اكتب هاي “التدوينة” بعد ما قرأت تدوينتك عن ذكرى تهجير الشعب الشيشاني …

        يا … مو بإيدي جد بغاار كتيير و مو عارفة اتخلص من هالعادة 😦
        بس احلى اشي اني بعترف بعيوبي :))

        على فكرة حبيت : أردني-أردني ، أردني-فلسطيني، أردني-شيشاني … اتزكرت السلاسل الغذائية اللي أخدنا بالعلوم بصف رابع 😛

  5. What prevent you is someone like Mr.حرزالله said, with his racist point of view which i know if he saw this comment will replay that this is a reaction … such ppl who make it hard to say wt u want and to express wt u r in the correct way coz such ppl make what ever u say to appear wrong

    Reply
  6. Haitham Al-Sheeshany

    زي ما الكل حكى؛ كلام منطقي و مشاعر نبيلة

    لا اعتراض بين انتمائي لبلدي الأردنّ و حنيني لأصلي

    لا تعارض إطلاقا ً

    أعاني من هذا كثيرا ً و أفهم ما تقصدين

    Reply
  7. شكراً جزيلاً حجه ياسمين على هذه التدوينة، و أنا اوافقك الرأي تماما … كما أكرر جملة ابو صلعة2 “هيثم الشيشاني” بأن “لا اعتراض بين انتمائي لبلدي الأردنّ و حنيني لأصلي” صح لسانك 😛

    و ابو الشوبكي … لما توصل درجة الوعي عنا في مجتمعنا في هذه القضية لمرتبة جيّدة … هذه المواقف ما بتتكرر و بصير سهل الرد عبيها.

    Reply
    • هيثم … انتو لساتكم بصلعة !!!! :S

      والله شكرا الك انتا عالمرور و التعليق … بس على فكرة جملة شيشاني هي الشي اللي الي 30 سطر عم بحكي فيه :@
      جد بغار من شيشاني شكلي !!! 😛

      لا جد … انا كتير فخورة بمروركم و “ادلائكم” بآرائكم 🙂
      شكرااا كتييير استاز دهمش 😉

      Reply
  8. بسم الله الرحمن الرحيم اولا تحية اجلال واكبار للمقال الي اكتر من رائع الغريب انو هاي الامور عم بتصير ببلاد المسلمين انا اردني من اصل فلسطيني بس لو الواحد راح على اوروبا بلاقي كتير ناس ممكن تسال انتى من وين على سبيل المثال بحكي انا كندي وجنسيتي امريكي اول ردة فعل بتكون الابتسامة من قبل الامريكي للشخص الكندي وهمي التنين مش مسلمين ولكن بتعاملو مع بعض على اساس الانسانية طيب ليش احنا بنتعامل مع بعض بهالصورة هاي المفروض انو حتى الاردني الي من اصل اردني وابن قبيلة يكون حريص اكتر من الفلسطيني على فلسطين يا اخوان هاااااي مقدسااااااااات لا يصح اسلام اي شخص اذا انكرها عشان هيك انا بفتخر باسلامي اولا وبعروبتي وبجنسيتي وبموطني الاصلي جنين لا يعني حصولي على جنسية بلد اني نست اصلي ولا يعني افتخاري بموطني الاصلي نكراني لجنسيتي او انتمائي للاردن ودمتم سالمين تقبلو مروري

    Reply
    • اهلا فيك فراس 🙂

      فعلا معك حق … نحنا مفروض اسلامنا هو اللي يمنعنا من العنصرية … بكفي كلمة
      الرسول عليه الصلاة و السلام .. دعوها فإنها منتنة … !!

      على كل حال انا سعيدة بوجود ناس بتفكر متلي … وما عندها تعارض ولا تناقض ولا مانع او مشكلة بوجود اكتر من وطن لتقديم الانتماء و الولاء الهم 🙂

      شكرا جدا فراس … بتمنى تثريني دائما بآراءك 🙂

      Reply
  9. ana mo abu sal3a these days! 😀

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: